Porten

[Ingvar Åberge]

"Den groteske behandlingen og lynsjingen av Gaddafi og hans sønn ble ikke bare akseptert som rett og nødvendig av vestlige ledere og journalister, men ble rettferdiggjort med opphøyet moralsk støtte, slik som i avisen VG den 26. oktober. Det er hva vi en gang i tiden ventet å høre fra mennesker med totalitære holdninger. De samme likegyldige holdningene som rettferdiggjorde Stalin og Pol Pot, rettferdiggjør i dag mishandling og lynsjing av mennesker og bruk av NATO til å bombe sivile."

(Sitat frå masseutsend mail.)

Eg tykkjer for så vidt dette kan vera interessante innspel til debatt.

Eg har personleg alltid tenkt om dette at "kva anna kan ein venta"? Og ikkje minst at dei fleste revolusjonar i verda har så langt handla om å ta livet av den gamle statsleiaren. Slik skjedde det i Frankrike, slik skjedde det i Russland. I blodige konfliktar er det på ein måte vanskeleg for meg å verta sjokkert over at det same også råkar toppane. Så vidt eg veit har opprørarane i Libya også tidlegare vore avslørde i å ha avretta krigsfangar, og då mange fleire enn berre to, og langt meir uskuldige enn desse som har vore ansvarlege for det gamle regimet.

Men eg tenkjer på at Gaddafi sin lagnad er trist på den måten at dersom gamle diktatorar veit at dei vil missa livet dersom dei misser makta, er det med og gjer det vanskelegare å få til fredlege maktskifte.

Burde Gaddafi ha vore avretta etter ei rettssak, slik Quisling vart her i landet og Hitler sikkert hadde vorte dersom dei hadde fått tak i han i live? Eller burde ikkje gamle diktatorar avrettast i det heile? Dersom ikkje, ville det bety at dei ikkje måtte stå til ansvar, dersom retssystemet i landet har dødsstraff, og det er også grovt urettvist.

Her er mange prinsippielle problemstillingar å ta fat i!

Elles har eg jo heile tida vore skeptisk til at me skal blanda oss inn og verta part i andre land sine borgarkrigar, sjølv om eg ikkje trur det er så ille i tilfellet Libya som i tilfellet Afghanistan. Men kva som no vil skje vil verta avgjerande, ny borgarkrig mellom dei som vann over Gaddafi, eller fredleg styre framover? Eller ein ny diktator i Gaddafi sin stad?